Khylle's Pov:
"Sigurado ka ba talagang isasama mo ako?" tanong ko na nakapagpahinto sa sana ay pagbaba ni Detective Joseff mula sa sasakyan.
Nasa parking lot kami, sa basement ng The Empire Holdings at hanggang ngayon ay hindi ko pa din mapaniwalaan na nandito kami para personal na makipag-usap kay Mr. Nietre.
Nasa Precinct 5 pa lang kami ay nakailang tanong na ako sa kanya kung isasama n'ya talaga ako sa lakad n'ya ngayon.
Nang sabihin n'ya kagabi sa amin na makikipag-usap pa din s'ya sa chairman ng The Empire sa kabila ng nangyari kay Mr. Nicasio ay hindi ko naman inakalang ako ang isasama n'ya.
Kaninang umaga din lang n'ya ako sinabihan kaya hanggang ngayon ay hindi pa din ako makapaniwala. Walang umuwi sa amin, lahat kami ay sa presinto natulog. Mabuti na lang talaga ang madami a
