Khylle's Pov:
"Mabuti na din lang talaga at hindi pumunta si Chairman Nietre sa press conference dahil nga naiwala ni Miss Madrigal ang regalong ito." Kahit si Ren ay nakisakay na din sa kasinungalingan ng mga kasama n'ya. Itinuro pa n'ya ang kahong hawak ni Detective Joseff.
Kumakamot sa ulong napatingin sa akin si Officer Sai. At kahit nga ang taxi driver ay tumingin din sa akin. Hindi man nila isaboses ay mukhang kumpirmasyon ko ang hinihintay nila.
"Mabuti talaga at naibalik mo ito, Manong." Hindi pa din sumusuko sa pagpapanggap si Silver. "Sa sobrang dami naming trabaho ay nakalimutan na namin ang tungkol dito at hindi na namin nabigyan ng regalo si Chairman Nietre."
"Kay Chairman Nietre n'yo pala ibibigay ang necktie na laman ng kahong iyan?" tanong pa ni Officer Sai. "Bakit noon
