"Sa susunod na palapag na tayo! Maiwan ang iba dito para bantayan ang mga ito at tiyakin n'yo ding walang makakapasok na kahit sino. Lalong-lalo na ang mga reporter."
Napatingin ako kay Officer Sai, inilipat ko sa kanya ang camera at kinuhanan ang pagbibigay n'ya ng utos sa mga kapwa n'ya pulis.
Abalang-abala ang lahat, may kakapalan din ang alikabok na humahalo sa hangin dahil sa dami ng mga item na binasag. Wala talagang pinalampas kahit isa, gaano man iyon kaliit o kalaki. Ni hindi nangimi ang mga officer na wasakin ang mga iyon para makuha ang mga ebidensyang maaaring itinatago ng mga iyon.
Dahil sa ginawa ni Mr. Amorsolo ay nawalan din ng halaga ang mga nilikha n'yang obra. Nakakalungkot mang isipin pero mukhang sa oras na ma-air ang tungkol sa kasong kinasasangkutan ni Mr. Amorsol
