DALAWANG araw din na nanatili si Phyllis sa mansyon ng mga Escobar para makapagpahinga ng maayos. Hindi siya hinayaan ng mga mgaulang ni Reigo na umalis habang hindi pa siya tuluyang gumagaling. Asikasong-asikaso naman sa kaniya si Reigo. At pinuntahan rin siya ni Melissa at Gabril pero sikreto lang at hindi nagpakita ang mga ito sa mga magulang ni Reigo. Inaasar pa nga siya ng dalawa.
"So dito ka na ba titira, mahal na prinsesa?" Nakangising sabi sa kaniya ni Melissa.
"Tigilan mo ako, Melissa." Aniya.
Tumawa si Melissa at Gabril.
"Kunwari ka pa." Sabi ni Gabril. "Halata naman na gusto ka ng mga magulang ni Reigo lalo na 'yong nanay niya."
Napailing si Phyllis at tumingin kay Melissa. "Melissa, naghilom na ang sugat ko pero bakit kumikirot pa din?"
Ngumiti
