NAKAUPO si Prinsesa Airene sa batuhan habang nakatingin sa kaniyang mahabang buntot na nasa tubig. Napatingin siya kaniyang palad. Napabuntong-hininga si Prinsesa Airene habang pinagmamasdan ang sariling repleksyon sa tubig. Sanay na siya na nagbabago ang kaniyang wangis sa tuwing dinadanas niya ang sumpa. Hindi naman siya tinutubuan ng kung ano sa katawan ngunit nagkakaroon siya ng pangil na katulad ng sa bampira at humahaba ang kaniyang mga kuko at ang kaniyang buntot, humahaba ito na parang buntot ng ahas.
Napabuntong-hininga si Prinsesa Airene. Sa totoo lang hindi na siya umuwi ng probinsiya para paghandaan ang sumpa na dadanasin niya. Nandito siya ngayon sa private property ng mga Romanov na malapit sa dagat.
Hindi siya nag-aalala na baka may makakita sa kaniya
