"Honey... kapag aalis ka, dapat uuwi ka rin kaagad ha?" sabi ni Serenity sabay yakap kay Oliver.
Kasalukuyan silang nasa gala kung saan binilhan ng kung ano- ano ni Oliver si Serenity. Lahat ng gusto nito ay binili niya kahit na ang presyo nito ay nakalulula. At hindi naman maiwasang mapangiti ni Serenity at magdiwang ang kaniyang kalooban dahil tuwang - tuwa siya sa mga pinamili ni Oliver para sa kaniya.
"Oo naman... pero bakit mo pala nasabi iyan? May problema ba?" tanong naman ni Oliver.
Mabilis na umiling si Serenity at saka umiling. "W- Wala. Wala naman.... parang ano lang... parang nami- miss kasi kaagad kita kapag wala ka sa tabi ko ng ilang minuto...." pagsisinungaling niya.
Ngunit ang totoo, natatakot siya dahil kay Jasper. Hindi naman kasi niya puwedeng sabihin kay Oliver a
