Chapter 41
Nang nagkakaharap na kaming lahat na housemates at halos naipakilala na namin ang aming mga sarili sa isa't isa ay muling nangibabaw na naman ang boses ni Kuya.
"Housemates, lumalalim na ang gabi, pumasok na kayo sa inyong kuwarto at ayusin na muna ninyo ang inyong mga gamit. Dahil kumpleto pa kayo, dalawang housemate sa isang kama. Hanapin ninyo ang inyong mga pangalan na nakapaskil sa ulunan ng mga kama. Ang kuwarto ng mga babae ay sa bahaging kaliwa at ang sa mga lalaki ay sa bahaging kanan," utos ni Kuya.
Nagtakbuhan ang mga lalaki papasok sa kanilang mga kuwarto at kaming mga babae ay mabilis na ring tumungo sa aming mga kuwarto ngunit natigilan kami nang nagsalita si Alex na nanatiling nakaupo lang sa sofa.
"Kuya, saan po ako! Dito lang po ba sa sofa?" pagmamaktol ni A
