Chapter 13
“Rose, ano ba? Lumapit ka nga rito!” sabi ni Miss Kai.
Sobra na yung kaba kong lumapit. Aamin ako, aaminin ko na lang ang ginawa naming ni Diane kagabi. Kung bibigyan niya ako ng oras na magpaliwanag, magpapaliwanag ako. Pero sana, hindi niya ako tatanggalin sa trabaho. Ito lang kasi ang inaasahan ng pamilya ko. Nakakapag-aral ang mga kapatid ko dahil sa may kalakihan kong sahod kay Miss Kai.
“Ma’am, pasensiya na po, hindi ko po kasi…”
“Ano? Anong pasensiya? Bumalik ka sa baba mamaya ha? Alam mo yung brand ko sa napkin iba ang binili mo.”
Lumuwang ang aking paghinga. Hindi pala tungkol doon sa viral pic namin ni Zeke ang sinasabi niya. Pero panay pa rin ang scroll niya sa social media niya.
“Wala ho kasi silang ibang tinda,” kinakabahan kong sagot habang nakatingin pa rin
