Chapter 62
Naglakad siya palapit sa akin ngunit mabilis si Paolo na pumagitna sa amin.
"Pasensiya ka na Miss Kai pero nagsasabi lang ng totoo si Rose at dadaan muna kayo sa akin bago ninyo malapitan si Rose! Eldrin, tigilan mo na ‘yan!" sabi ni Paolo sa kasama niyang lalaki. "Wala nang magta-trabaho pa. Huwag na nating ituloy pa ito. Task lang naman ito. Mabigo na tayo kung mabigo sa task natin at bahala na kung anong ipapataw ni Kuya na parusa sa atin huwag lang tayong magtiis sa ganitong pang-aapi, pangmamaliit at pamamahiya sa atin. Ayaw kong isipin ng mga nanonood sa atin ngayon na tama lang ang apihin, hiyain at insultuhin ng kanilang amo kapalit ng kapiranggot nilang sahod. Hindi kailan man tayo pumapayag na tapak-tapakan ang ating pagkatao. Walang pera ang maaring tatapat sa pagm
