CHAPTER 52
Kahit pa ipinagbabawal ni Kai na lumapit sina Paolo sa akin ay hindi pa rin ito nagpatinag. Sumunod si Alex at si Jane sa kanya. Nakita kong awang-awa na sila sa akin. Nakita kasi nila na namumula na ako at halatang hirap na hirap na rin sa ibinigay ni Kai na trabaho sa akin.
"Hindi ko maintindihan kung bakit ikaw lang ang gumagawa nito eh pwede naman sana nating pagtulungan para sana mapabilis ang trabaho? Patingin nga ang kamay mo?" sabi ni Paolo.
Huminga ako nang malalim. Binuksan ko ang kamay ko. Ako man ay nagulat nang makita kong hindi na lang pala ito namumula, may sugat-sugat na rin sa bahaging ginagamit ko para magbomba sa poso at magbuhat ng balde. Kaya pala ganoon na lang ang kirot ng palad ko.
"Ma'am Kai, puwede ba namin siyang tulungan?" pakiusap ni Jane. “Pleas
