BAGO MAGIMULA sa ite-take na eksena ay nilapitan muna ni Dein si Dash. Kanina pa kasi ito mukhang bothered. Halata rin na wala ito sa focus sa trabaho. Ilang beses na itong napagalitan ng kanilang direktor dahil nagkakamali ito sa mga linya. Nakakunot ang noo nito habang inaayos ang make-up. Nang magkatinginan ang make-up artist at si Dein ay sinenyasan niya itong iwan muna silang dalawa.
Naupo siya sa tabi nito at tiningnan siya ni Dash. "Bakit?" tanong nito sa kaniya.
"Anong problema?" Alam niya na baka masama ang mood nito at baka hindi ito magsabi kung ano man ang nararamdaman nito pero susubok siya. Matagal na silang magkakaibigan at silang mga malalapit na kaibigan ng mga ito ang lubos na anhihirapan sa gulo nila. "Kanina ko pa napapansin na wala ka sa mood magtrabaho. Si direk di
