KAAGAD KUMALAT ang nangyaring gulo kina Riley at Anna. May mga camera kasi ng mga taong nakiusyoso ang siyang nakakuha ng mga videos at pictures kaya naman kahit sa socialmedia ay hindi nakatakas si Riley.
Nakahalukipkip si Dash habang nakatingin kay Riley. Mugto ang mga mata niya dahil sa kakaiyak. Pakiramdam kasi niya ay mas lumalala ang sugat niya sa kamay imbis na pagaling na sana.
"Dash, nakausap ko na si Anna," wika ni Manager Sonia nang makapasok sa pribadong silid kung nasaan sina Dash, Dein, Stella at Riley. May doktor na umaasikaso sa kamag nito.
Hinarap ito ni Dash. "Manager Sonia, I don't want to her face anymore. Ikaw na ang bahala sa babaeng iyon. Ibigay mo ang perang trinabaho niya sa akin," mataray na wika ni Dash saka sumulyap sa kamay ni Riley.
"Gusto ka niyang makau
