"Nalaman niyo ba kung sino iyong pumasok sa CCTV?" tanong ko sa kanilang dalawa.
Nakita kong nalukot ang kanilang mukha dahil sa aking naging tanong pero hindi ako nagsalita. Kailangan naming bantayan ang lahat lalo na ngayon at delikado.
"Hindi. Mabilis silang umalis nang sinubukan namin silang i-track," sagot naman ni Elijah.
Napalabi naman ako saka napasulyap kay Kazimir ngayon na nakatingin sa aming mga kasama. Nilalaro niya ang kaniyang ibabang labi sa pamamagitan ng kaniyang daliri at pakiramdam ko ay malalim ang kaniyang iniisip.
Dahil nga nasubukan nilang pasukin ang CCTV, mukhang kailangan naming umalis dito lalo pa ngayon na napasok na nila. Baka may sudden attack rin mamaya which is hindi dapat puwedeng mangyari iyon.
"Kailangan nating lumipat sa madaling panahon," saad ko.
