Gumising si Christine kinabukasan na mabigat ang ulo at pupungay-pungay pa ang mga mata. Anong oras na nga ba siya natulog? Alas-tres ng umaga? Oo, madaling araw na siya nakatulog dahil paulit-ulit na bumabalik sa isipan niya ang katangahan kagabi.
Kumaripas pa nga siya ng takbo papasok sa kuwarto ng Ninang Olive niya para magsuot lang ng b*a!
Pilit niyang in-imagine ang sarili na naglalakad sa harapan ng amo na walang sapin sa hinaharap at sa tuwing makikita niya ang sarili sa gano'ng kalagayan ay napapatakip siya ng unan sa mukha.
Meron pang sinasabunutan niya ang sarili para magising, baka kasi nanaginip lang siya. Pero alam niyang hindi siya nananaginip. Inulit pa nito ang sinabi sa kan'ya kagabi matapos niya ligpitin ang mga pinagkainan nito. Akala nga niya ay pumanhik na ito sa
