"Talaga? Nahalikan mo ako na hindi ko alam?" Nanunukso ang boses pati na ang tingin ni Clem sa akin.
"Oo nga," mahinang-mahina kong sagot sa kanya.
Napahawak ako sa dalawang pisngi ko dahil sa pag-iinit ng mga 'yun. At anak ng tinapa, napaso ang mga palad ko!
"Ano? Nahihiya ka pa sa lagay na 'yan samantalang ibrinoadcast mo na kanina sa harap ng mga kaibigan ko na ikaw ang unang humalik sa ating dalawa," patuloy siya sa panunukso sa akin.
Buti na lang at nandito na kami sa suite niya at wala ng makakakita pa sa itsura ko na parang dagang nasukol.
"Hmp! Ikaw kaya 'yung ipitin ang mga daliri kung 'di ka pa mapapaamin!" Lumabi ako sa kanya.
"Pero ang point dito, ikaw ang UNANG. HUMALIK. SA. AKIN," dahan-dahan ngunit madiin niya pang pag-uulit-ulit sa kung anumang pinupunto niya.
"Mas
