MALAPIT NA sa gate palabas ng campus si Krisha nang mula sa likod ay may marinig siyang tumatawag sa kanya.
“Krisha!”
Paglingon niya ay awtomatikong napangiti siya ng makitang si Jaden iyon at kasama nito si Mark.
“Oh Jaden,” aniya.
“Sabay na tayo,” sabi nito.
“Sige,” pagpayag niya.
“Gagabihin ng uwi si Ate Jan ngayon, may dinner siya kasama ng mga co-teachers niya,” sabi pa nito.
“Ah oo, nabanggit niya sa akin. Nakasalubong ko kasi siya kanina, sabi pa nga niya kapag hindi ka daw nakinig sa akin puwede daw kitang batukan,” nakangisi pang sabi niya dito.
Napakamot sa batok ito saka napailing. “Si Ate talaga oh, nakakahiya tuloy sa’yo,” anito.
Natawa siya sa reaksiyon ng kaharap niya. “Joke lang, ‘to naman!” natatawan
