"NABILI mo na pala ang lupa ng mga Ramos, Storm. Ano na ngayon ang plano mo? Nabalitaan ko rin na naaksidente si Aling Zoraida kaya napilitan si Manong Duarding na ibenta ang lupain nila sa iyo. Wala ka bang kinalaman doon, Storm?" tanong ni Hatt sa kaniya pagkadating niya sa mansion nila.
Nagulat si Storm na makita roon si Hatt na tila kanina pa siya hinihintay.
"Ano bang sinasabi mo? Hindi ako ganoon kung maglaro, Hatt."
"Wala ka nga bang kinalaman sa pagkakaasidente ni Aling Zoraida?" Inilapit nito ang mukha sa kaniya. Binabasa ni Hatt ang kaniyang isip, kilala niya ang kaibigan hindi ito madaling lusutan.
"Bakit mo ba iniisip na may kinalaman ako sa nangyaring aksidente kay Aling Zoraida?"
"Dahil alam kong hindi mo maloloko si Jeni kaya gagamit ka ng maling paraan," mabilis naman
