LUNCH break namin ngayon. Nagmadali akong kumain para pumunta sa NBS. Kailangan kong bumili ng gamit pamasok dahil sa Monday ay may pasok na ako at by next week ay aalis na rin ako rito sa restaurant. Tapos na ang pagiging part timer ko rito.
Hindi ko nga alam kung masaya ba ako, o, malungkot dahil hindi ko na sila makikita except kay Red na nasa iisang campus lang kami.
“Hoy, Anna, sandali!”
Napahinto ako nang may marinig akong boses, nakita ko si Gegeng sa likod ko.
“Pasabay ako! Pupunta kang NBS, ʼdi ba? May bibilhin din kasi ako roon para sa kapatid ko!” hinihingal niyang sabi sa akin at tumango ako sa kanya.
“Pasukan niyo na sa Monday, ano? At, sa Friday naman ay last day mo na rito,” sabi ni Gegeng sa akin.
Napangiti ako sa kanya. “Mamimiss ka namin, Anna! Dalaw ka, ha? Ka
