"THANK you po, Father."
Malapad na ngumiti ang pari sa harapan namin ni Archer.
"Sana ay maganda ang maging pagsasama nyong mag-asawa at maging saksi sa pagmamahalan nyo ang bahay na ito."
Parehong ngiti na lang ang naitugon namin ni Archer sa narinig mula sa pari. Nagpaalam na kami sa kanya para sa mga magulang naman namin magtungo.
Ngayong araw ay pina-blessing namin ni Archer ang bahay na nilipatan naming dalawa. Sa totoo lang ay ideya ito ng mga magulang namin. Pampasuwerte raw.
Nang sabihin ko sa mga magulang ko ang naging desisyon namin ni Archer na magsama na sa iisang bahay ay tuwang-tuwa sila. Ang balak ko nga sana ay saka lang lilipat sa bahay ni Archer kapag tuluyan nang gumaling ang ama ko, pero hindi pumayag ang mga magulang ko. Ayon sa kanila ay ayos lang kung umalis na
