"COME here, Archer. Look at those strawberries!"
Parang bata akong puno ng galak na nilapitan ang mga tanim na strawberry sa harapan ko. Agad namang sumunod sa akin si Archer na siyang may hawak ng basket namin.
Bukod sa malamig na temperatura at pagiging maganda ng tanawin sa paligid, kilala rin ang Baguio dahil sa strawberries nito. Kaya hindi namin pinalagpas ni Archer ang pagkakataon na ito na pumitas ng strawberries.
May nabibili na nito sa paligid ng Baguio, pero gusto namin ni Archer na maranasan na kami mismo ang kumuha nito.
"Kumuha kaya tayo ng marami para magawan kita ng strawberry jam," suhestiyon ko at bumaling kay Archer na nasa tabi ko na.
Mahina siyang natawa. "Marunong ka ba?"
"E 'di pag-aaralan ko."
Naging mapaglaro ang ekspresiyon niya sa mukha. Napanguso ako.
"G
