"I NOW pronounce you man and wife. You may now kiss the bride." nakangiting pag aanunsyo ng Pari pagkatapos.
Malalim na buntong-hininga ang pinakawalan ni Esrael bago ito nag baling ng paningin sa babaeng nasa tabi niya. Babaeng ngayon ay kaniya ng asawa. Kumilos ito paharap dito, ganoon din naman ang ginawa ni Jen. Napapalunok pa ng sariling laway si Esrael habang nakatitig ito sa mukha ng kaniyang asawa. Parang hindi nito alam kung ano ang gagawin sa mga sandaling iyon. Kagaya kanina'y abot-abot na naman ang kaba sa kaniyang dibdib.
Gusto ng bumunghalit ng tawa ni Jen habang nakikita niya ang pagpapawis ng noo ni Esrael. Parang namumutla pa ang hitsura nito. Ano ba ang nangyayari sa lalakeng ito? Tanong ng kaniyang isipan.
"K-kiss daw..." nauutal pang saad ni Esrael.
Kiss! Kiss! Kiss
