Samara’s POV
Nang hindi na ako tumigil sa pag-iyak ay hinila ko na muna si Melecio palayo sa kanila. “Guys, wait lang, ha?” paalam ko sa kanila kaya tumango naman si Ryder na nakangiwi sa akin. Si Shamia naman ay takang-taka tuloy dahil sa pag-iyak ko.
“Anong balak mong gawin?” tanong niya pagdating namin sa living area. Nanginginig ang mga kamay ko. Ganoon din ang tuhod ko. Para akong mabubuwal sa lakas ng kaba ng dibdib ko. Hanggang ngayon ay hindi pa rin ako makapaniwala sa post na ‘yun ni Sir Sam na siya palang ama ko.
“Melecio, ayoko munang malaman nila na ako ang nawawalang anak ni Ma’am Amara at Sir Sam. Hindi puwede. Nakita mo naman kung gaano kahigpit si Ma’am Amara kay Ryder. Matapobre siya. Tiyak na gaya ni Shamia ay hindi ka rin nito magugustuhan kapag nalaman niyang owner k
