Melecio’s POV
“Sir, tignan niyo po. Ang daming nagse-share sa Star Book Account ni Miss Samara na kakagawa lang ngayon. Ang ganda rin ng bagong profile picture niya. Mukhang ngayon lang din ito kuha dahil ito ang suot niya nang umalis siya. Gumawa rin ito ng Vlogger Channel niya at may first vlog na rin siya ngayon. Sa isang oras lang ay ang dami niya agad viewers,” sabi ni Danica sa akin habang kumakain kami ng merienda.
“Paano mo nalaman ang mga ‘yan?” tanong ko naman sa kaniya. Mabuti pa siya ay updated kay Samara. Ano na bang nangyayari? Talaga bang ganoong na agad kasikat si Samara ngayon? Iba talaga ang hatak ni Jana sa kaniya.
“Nagkalat po kasi ang picture at ang legit account niya sa Star Book. Karamihan pa sa mga nase-share sa picture at account niya ay mga lalaking fans ni Jan
