Samara’s POV
Nagising ako na magkayakap pa rin kami ni Melecio. Unang bungad ng umaga ay ngiti agad ang aking ginawa dahil sa guwapong lalaki na kayakap ko hanggang ngayon. Ang galing gumawa ng anak nila Tita Melissa at Tito Cerio. Bakit ganito pa rin siya kaguwapo kahit natutulog? Ang unfair, ha. Kasi ako, pangit ata ako matutulog.
Bumaklas na ako sa yakap niya nang dahan-dahan para bumangon na. Patayo na dapat ako nang bigla niyang hilahin ang kamay ko. “Dito ka muna. Inaantok pa ako. Saka maaga pa naman oh,” sabi niya kahit nakapikit pa rin. Pinaluputan ulit niya ako ng braso niya at mas hinigpitan pa niya ngayon kaya hindi ako makalawa. Napapangiti na lang ako. Parang mag-asawa na tuloy kaming dalawa dahil sa eksena namin ngayong umaga. Hindi ko mapigilan hindi maging masaya. Gusto
