Samara’s POV
Nang magising ako ng hapon ay katabi ko pa rin sa kama si Melecio, na naghihilik pa. Simula nang makauwi kami kaninang umaga ay ngayon lang ako nagising. Bago ako matulog kanina ay nag-upload pa ako ng camping vlog namin ni Melecio.
Tumingin ako sa orasan. Pasado alas tres na ng hapon. Kumakalam na ang sikmura ko kaya bumaba na muna ako para magluto ng pagkain namin ni Melecio.
“Hello po,” bati ko kay Tita Donna na nanay ni Danica nang madatnan kong ito sa kusina na nag-uugas ng mga pinggan.
“Hello rin,” sagot niya. “Tiyak na gutom na kayo. May ulam pa nga pala riyan. Nagtira kami ni Senya para sa inyo,” sabi pa niya.
“Anong ulam po ba ang niluto ninyo kanina?”
“Sinigang na baboy,” sagot niya kaya napangiti ako dahil hindi na ako mahihirapang magluto pa ng ibang ulam. Wa
