"LET'S congratulate..."
"Our new Ultimate Quiz Bee Challenge Champion..."
"From the Engineering department!"
"Mister Mellard Cruzzz!"
Hindi pa rin talaga ako makapaniwala sa mga nangyayaring ito sa akin. Heto ako ngayon... pinupuri ng lahat, at ang pangalan ko ay isinisigaw pa nila. Hinding-hindi ko talaga makakalimutan ang araw na ito, ang araw kung kailan marami ang nakakilala at humanga sa akin.
Napapalibutan ako ng maraming tao at ang dami pa ring bumabati sa akin. Itong tatlo ko ngang tropa, todo pa-pogi naman sa tabi ko. Para nga akong artista matapos ang mga nangyari. Pinagkakaguluhan.
"Wow! Pareng Mellard, bigtime ka na! At ang dami mo pang fans... baka naman, malimutan mo na kami niyan," sabi ni Lebron.
"Hindi ako ganoon. Hindi iyon mangyayari. Mga rare kasi kayo eh," pabir
