PAGKATAPOS noon ay bigla na lang naghiyawan ang mga tagasuporta ni Andrew. Itinaas na kasi nito ang kanang kamay niya bilang tandang siya na ang panalo at ang patunay na siya ang kampeon sa loob ng apat na taon sa kompetisyong ito.
Ipinakita na nga ang ikalawang tanong at under ito ng Geography. Hindi ko alam kung totoo 'yong tanong dahil alam na alam ko ang sagot. Mahilig kasi akong magbasa ng mga aklat about sa geography ng ibat-ibang bansa. At nang natapos ang time limit, alam ko na tatama ako sa pagkakataong ito.
"Yesss!" bulalas ko.
Muntik pa akong mapalundag sa kina-uupuan ko dahil tama ang sagot ko at ako lang ang nakatama.
"Wow! Only Mr. Cruz got the correct answer. Tie na ngayon sa 4th place sila ni Mr. De Guzman with 29 points!" masiglang sinabi ng emcee.
Ipinakita na nga an
