MARIAN POV
Nang imulat ko ang aking mga mata, halos madilim na ang buong paligid. At ang tanging naririnig ko lamang ay ang pag hampas ng tubig sa pampang. Dahan dahan akong bumangon at napansin ko na ako ay nasa isang isla. Walang katao tao sa paligid at hindi ko alam kung paano ako napadpad sa lugar na ito. Sumabay pa ang malakas na buhos ng ulan kaya mas lalo akong nilamig.
Sobrang sakit ng katawan ko at parang hirap na hirap akong igalaw ang mga binti ko. Pero ayos na rin siguro ito. Nagpapasalamat na lang din ako na kahit papaano ay buhay pa rin ako. Tumayo ako at pinilit kong maglakad hanggang sa mapansin ko na nakahandusay din si Harold sa dalampasigan, mayroon siyang sugat sa kanyang ulo at duguan ang kanyang mukha.
Tsaka ko naalala na nabagok pala ang ulo niya kanina at halos
