“Sir, hindi ka po dapat pumapasok sa kwarto ko. Lalo na kung walang pahintulot ko. Ano na lamang po ang iisipin ni Ma’am Vanessa kung malaman niyang nandito ka?” Kunot noo kong tanong sa kanya. Hindi na talaga ako natutuwa sa kanya. Mas lalo lang niyang ginugulo ang utak ko. Mas lalo lang niya akong pinag-iisip. Bukod sa malalim niyang pagtitig sa akin. Sa bawat pagsunod ng mga mata niya sa pagkilos ko at sa paghalik niya sa akin. Sigurado akong may kung anong bagay ang tinatakbo sa isip niya at ayokong malaman ang lahat ng yun.
“Wala akong paki-alam kung malaman niya. Ikaw din ang umiwas sa akin kanina noong hinalikan kita. Okay lang sa akin kung makita niya tayo.” Wika niya na nagpa-awang sa bibig ko. Akala ko binti lang niya ang nagkaroon ng problema pero tingin ko may saltik na rin s
