“Haba ng hair! Kasing haba ng hair ni Cinderella!” Tuwang-tuwang wika ni Tanya. Kanina pa niya ako niluluko dahil nakita pala nila ang nangyari sa pagitan naming dalawa ni Lawrence. At tama nga ang hinala ko. Pinayagan lang siyang magday-off para lang pumunta sa plaza at magkaroon kami ng time na magkausap ni Lawrence.
“Cinderella? Hindi ba si Rapunzel yun?” Kunot noo kong tanong sa kanya. Napakamot siya sa kanyang ulo.
“Si Cinderella na ba? Kailan pa?”
“Haist!” Asik ko sa kanya. Kung hindi ko lang best friend tong babaeng to simula pagkabata tinakwil ko na ‘to.
Nasa mesa kami malapit sa plaza. Umalis kasi si Lawrence at si Elias para bumili ng makakain at inumin. Kaya nagkaroon kami ng time na magkausap.
“Bagay na bagay kayo ni Sir Lawrence, Gabbi.” Sambit niya. Napatingin ako d
