“T-tu-long!” Sunod-sunod ang pagsipa ng paa ko sa ilalim ng tubig dahil sa malalim na bahagi pala ako ng swimming pool intinulak ng bruhang si Vanessa! Hindi maabot ng paa ko ang sahig at kung magtatagal pa ako dito ay tuluyan na akong malulunod at mamatay sa pagkalunod. Napagod na ako sa pagkampay ng kamay ko dahil pakiramdam ko ay wala ng tutulong sa akin habang nakangisi namang nakatingin si Vanessa na nakatayo lamang sa gilid ng pool at pinapanuod akong maubusan ng hininga.
“Gabr—“
Unti-unti na akong lumubog sa tubig nang may biglang humawak sa beywang ko at pilit akong inaangat sa ibabaw. Ngunit hindi ko na nakita kung sino yun dahil nawalan ako ng malay.
Galit na boses ng lalaki ang nagpabalik sa aking kamalayan. Sunod-sunod akong inubo dahil sa maraming tubig na nainom ko. Nagu
