Gulong-gulo ang utak ko nang bumalik ako sa sala matapos marinig ang sinabi ni Tanya. Ako daw ang naging dahilan kaya nag-away ang dalawang magkapatid. Nagpang-abot daw ang dalawa sa aking kwarto kanina. Sinabi rin ni Sir Terrence kay Sir Lawrence na layuan niya ako kaya lalong nagkainitan ang dalawa. Magkapatid silang dalawa tapos nag-aaway sila ng dahil sa akin. Kaya hindi ko rin matangap dahil mababa ang tingin ko sa aking sarili. Lalo na noong harap-harapan akong hinamak ng Vanessa na yun!
Nadatnan kong nakaupo parin si Sir Lawrence sa sofa. Kaya lumapit ako sa kanya kahit naiilang na ako sa kanila ay wala naman akong choice.
“Pwede mo ba akong alalayan na maka-akyat sa kwarto?” Wika niya.
“Opo sir.” Sagot ko na ikinangiti niya. Tinulungan ko siyang makatayo sofa at humakbang kami
