Nagulat ako sa narinig na sinabi niya, pero mas nagulat akong nang pumayag si Kuya Juan na pumunta si Cris sa bahay. Hindi man lang niya ako tinanong kung okay lang ba sa akin. Masaya pa siyang nagpaalam sa amin. Pagkaalis niya ay saka ko hinarap si kuya.
“Bakit ka pumayag na ligawan ako ng lalaking yun?” Kunot noo kong tanong sa kanya.
“Gabbi pag malinis ang intention ng lalaki, sa bahay ng babae nanliligaw hindi sa kung saan. Saka nasa tamang edad ka na naman para magpaligaw kaya sigurado akong okay lang din kina Inay at Itay.” Sagot niya sa akin. Kaya pala okay lang si Ellias sa kanila dahil palagi rin itong pumupunta sa bahay para manligaw sa akin. Para sa akin sa panahon ngayon kahit sa bahay ka man sa kalye o sa internet ay hindi parin masasabing seryoso sayo dahil kakakilala lan
