Wilma
Napakislot ako mula sa pagkakasandal ko sa dibdib ni David nang marinig ko ang biglang pagtunog ng phone ko.
"Is that your phone?" tanong niya ngunit hindi ko siya pinansin.
Umayos ako nang pagkakaupo sa kandungan niya at hinanap ang kinaroroonan ng bag ko. Pero siya na ang kaagad na kumuha nito mula sa ibaba. Nalaglag na pala ito sa sahig.
Iniabot niya ito sa akin at kaagad ko rin namang binuksan. Madali ko lang din naman nahanap sa loob nito ang phone ko at inilabas ito mula doon.
Nang tingnan ko ang screen nito ay doon nanlaki ang mga mata ko nang makita ko ang pangalan ni Darren na siyang tumatawag!
Napatingin akong bigla sa likuran sa labas ng kotse at gano'n na lang ang pagnganga ko nang makita kong naroroon na si Darren. Hawak niya ang phone niya sa tainga niya habang
