Mhaan
Nagising ako sa mahinang tapik sa pisngi ko at bumungad sa akin ang namumulang mukha ni Derrek. Nakatitig sa akin ang namumungay na niyang mga mata.
"Wake up. I'll take you home."
"Ha?"
Bigla akong napabangon mula sa kinauupuan ko at napabaling sa buong paligid. Sa una ay malabo ang mga nakikita ko hanggang sa tuluyan na itong luminaw.
Naririto kami ngayon sa convention center kung saan isini-celebrate ng Rrevin Company ang pang-anim na taon nilang anibersaryo, simula noong itatag ito ng kambal. Sila Derrek at Devin.
"Come on." Inalalayan na ako ni Derrek na makatayo. Kaagad ko namang hiniklas ang shoulder bag ko sa upuan ko. Hindi ko na namalayan na nakatulog na pala ako dahil na rin sa kalasingan ko.
Ramdam ko na rin ang paghapay ni Derrek. Siguro ay marami na rin siyang
