Mhaan
Itinago ko ang mga luha ko mula kay Ninong habang nakatulala ako sa labas ng bintana. Kasalukuyan na kami ngayong sakay ng kotse at bumibiyahe patungo sa mall. 'Yon ang sinabi ko sa kanya kanina dahil may mga kailangan akong bilhin na mga personal use ko.
Mahigpit kong pinakiusapan kanina si Doktora Klaire na huwag niyang ipapaalam kay Ninong kung anuman ang kalagayan ko ngayon. Ako na lang ang magsasabi sa kanya sa tamang panahon. Hindi pa sa ngayon. Ayokong may makaalam na kahit sino na nagdadalantao na ako sa anak namin ni Derrek.
Hindi nga natuloy ang CT scan ko pero kailangan ko pa ring ipaalam kaagad kay Doktora kung may kakaiba pa akong mararamdaman sa sarili ko bukod sa morning sickness na nararanasan ng isang buntis. Lalong-lalo na sa parte ng ulo ko. Gusto niyang mamoni
