Lumipas ang limang araw...
[ALTHEYA]
PABAGSAK NA humiga ako sa higaan habang hawak-hawak ang aking music box at saka pinatugtog ko iyon. Malakas na buntong hininga ang pinakawalan ko dahil sa wakas ay makakapagpahinga na ako matapos ang sunod-sunod na pinapagawa sa amin.
Sobrang sakit na ng katawan ko, kapag nakahiga na ako ay pahirapan na ang pagbangon dahil kapag pinupuwersa ko ang sarili ko, sumasakit ang aking katawan na pati pag-angat ng braso at binti ay masakit na.
Napatitig ako sa kisame at binalikan ang mga nangyari nitong mga nakaraang araw. Ang daming nangyari sa akin sa anim na araw kong pamamalagi sa lugar na ito at lahat ng iyon ay hindi ordinaryo.
Natural ba sa isang iskwelahan na turuan ang mga bata ng pagtakbo habang may bakal na pulseras sa katawan? Ang turuan ang
