Inilabas ni Morris ang cellphone at may hinanap na numero sa contact list, tapos ay dinala niya ang aparato sa tainga, habang ang mga mata niya ay nakasunod pa rin sa papalayong dalaga. “It’s me,” bungad niya nang marinig ang tinig ng taong nasa kabilang linya. Si Adolf iyon, isang maaasahang imbestigador na miyembro ng Kratos. Ito rin ang taong nagbigay sa kanya ng komprehensibong report tungkol sa dalaga.
“Check Lyrica Rio-Cruz’s whereabouts today and send me a detailed report in under an hour. Galing siya sa istasyon ng pulisya ng Santa Catalina.” Sumulyap siya sa istasyon bago tumalikod at tiyak ang mga hakbang pabalik sa naghihintay na itim na SUV.
Wala pa ngang kalahating oras matapos nilang mag-usap ni Adolf ay tinawagan na ulit siya ng imbestigador. “Yes, Adolf?” sagot niya.
“
