“BECKETT CLAINFER’S popularity reached a new peak again, winning another award from America for his breathtaking photoshoot in California!”
“Dahil sa mga nangyari, mas lalo lang pinatunayan ni Beckett kung bakit siya ang isa sa pinakamagaling at pinakasikat na model sa bansa! Talagang pinanindigan niya ang mga tawag sa kan’ya bilang ‘Nation’s Perfect Guy!’”
Bago pa man makapagsalita ulit ang reporter ay pinatay na ni Vivianne ang TV. Gumagawa siya ng dokumento sa kan’yang opisina nang makaramdam siya ng pagkabalisa, kaya binuksan niya muna ang TV para malibang. Pero hindi niya inaasahang puro si Beckett pa rin pala ang magiging laman ng balita.
“Ang tagal na rin mula nang magbalik siya sa showbiz industry. Wala na ba silang ibang mabalita?” frustrated na bulong ni Vivianne bago umiling.
