أرهنتُ عمري

دماء

أرهنتُ_عمري

بارت 11

☆نورا ناصر ☆

كمت على حيلي وايديه على اذاناتي واصيح يمه يمه ..

وينج يمه ، والخوف محتل كل خليه بجسمي وارجف رجيف ماصاير امشي واطيح وارجع اتمسك بالقنفات والحايط ، لحد ماصارت امي كبالي حضنتتي حيييل وتقرا ايات وادعيه وترجف ..

شويه وكف صوت الرمي الي جان ويا صوت صياح شخص صوته مألوف بالنسبة وسامعته من قبل بس من الهبطة ماجاي اكدر اركز او اميزه ..

اندكت الباب ومن وراهه اجه صوت ولاء ابن خالي

ابو راضي من ورا الباب يصيح عمه عمه فتحيلي

الباب بسرعة!!!

امي احتارت شتسوي ، عاف*ني وراحت باتجاه الباب

ركضت عليها لزمتها اتوسل بيها وابجي مفزوعة

_ يمه لا تفتحيله خاف جاي يكتلنه ...

_ ولج يمه شعنده ويانه حتى يكتلنا ..

راحت فتحت شباك الاستقبال وظلت تحجي وياه..

_ خيرك عمه شنو هذا الرمي يمه راحت كلوبنه

جاوبها من الطارمة عمه حرامي شفته يحوم داير مداير البيت رحت كلت لمحمد واجين