Ilang segundong nanatili lamang na nakasubsob si Bettina sa dibdib ni Luis. Hindi niya napigilan ang pagtulo ng kanyang mga luha dahil sa labis na takot na kanyang nadama matapos ang ginawa ng isang van sa kanyang sasakyan.
Kanina nga ay maaga siyang umalis mula sa kanilang restaurant. Ang totoo ay hindi ganoon ang oras ng kanyang pag-uwi. Lagi na ay inaabot siya ng alas-otso ng gabi sa kanilang establisimiyento upang masigurong maayos ang lahat sa kanilang negosyo.
Pero nitong mga nakaraang araw ay sinasadya niya na umuwi nang mas maaga. Ang totoo ay iniiwasan niya si Luis. Matapos ng naging pag-uusap nila nang gabing iyon sa kanilang restaurant ay alam niya na magpupumilit itong makaharap siyang muli.
Hindi niya pa ito kayang harapin sa ngayon. Aaminin niyang nakadama siya ng inis par
