Nagpalipat-lipat ang tingin ni James kay Bettina at Luis. Nakita niya pa ang pagkalito sa mukha ng kanyang nobyo nang malaman nito na si Luis ang tinutukoy niyang kasama niya nang mga sandaling iyon.
Ang totoo ay talagang nabahala si Bettina sa kaisipan na malaman ni James na magkasama silang dalawa ni Luis. Alam niya na wala silang ginagawang masama ng binata, ngunit hanggang maaari ay hindi na niya nais pa na mag-isip ng iba ang kanyang nobyo.
Pero hindi niya rin naman matiis na huwag pansinin si Luis. Ito ang unang lumapit sa kanya matapos ng lahat ng mga nangyari. Somehow, he saved her, just like what he did to her father. At gusto niya itong pasalamatan dahil sa mga ginawa nito.
Unti-unti ay bumaba ang mga kamay ni James sa magkabilang tagiliran nito. Mula sa pagkakahawak nito sa k
