"What do you mean na hindi niyo nagawa?" naiiritang tanong ni James sa kanyang kausap sa kabilang linya.
Nakatayo siya malapit sa may bintana ng hotel room na kinaroroonan niya, nakapameywang ang isang kamay habang ang isa naman ay ang siyang may hawak sa kanyang cell phone. Nakatanggap nga siya ng tawag at halos makadama siya ng inis dahil sa mga sinabi nito sa kanya.
"What?!" bulalas niya pa dito sa galit na tinig. "Stupid! Bakit hindi---"
Hindi na niya naituloy ang mga sasabihin pa sana nang bigla ay bumukas na ang pinto ng banyo. Mula roon ay lumabas si Samantha na tanging robang kulay puti ang suot.
Agad na napunta sa kanya ang paningin nito. Then, she smiled seductively at him. Basa pa ang buhok nito dahil sa katatapos pa lamang maligo. May ilang tulo pa ng tubig sa mukha ng dala
