"What do you mean by that? Akala ko ba ay nagawan mo na ng paraan ang tungkol diyan?" naiiritang tanong ni James sa kanyang kausap sa kabilang linya.
Agad nga siyang naglakad palabas ng kanilang firm upang sagutin ang tawag na kanyang natanggap kanina. Kausap niya lang ang isang abogado na nagtatrabaho rin sa kanilang firm nang siya namang pagtunog ang kanyang cell phone. He excused himself and went out of the building to answer the call.
Hindi na niya nagawa pang magpaalam kay Bettina. Abala ang kanyang nobya sa pag-aasiste sa mga empleyadong kasama nito mula sa pag-aaring restaurant. Nang makita niya kung sino ang tumatawag ay dali-dali na siyang lumayo mula sa karamihan.
Mas pinili ni James na maglakad palabas ng gusali at magtungo sa tagilirang bahagi niyon kung saan matatagpuan ang
