"Why didn't you tell me?" bwelta sa kanya ni Luis. Mababa lamang ang tinig nito ngunit damang-dama niya ang diin sa bawat katagang binitawan ng binata.
Hindi makatingin nang diretso dito si Bettina. Ito ang bagay na iniiwasan ng kanyang ama. Ayaw ni Emmanuel na malaman ni Luis ang tungkol kay Jaime mula sa ibang tao. Hindi nga nalaman ng binata mula sa ibang tao, ngunit natuklasan naman nito ang tungkol sa bata mula sa isang alanganin na sitwasyon.
Hindi sa ganitong paraan niya nais ipaalam kay Luis ang tungkol sa kanyang anak. She wanted to talk to him properly. Nais niya ay mag-usap sila ng matiwasay katulad ng dapat ay plano niyang gawin kaya siya nakipagkita dito kanina. Ngunit minsan ay sadyang mapaglaro ang tadhana. Nalaman na ni Luis ang tungkol kay Jaime bago pa man niya mabanggi
