"Nakakaloka na talaga ang Ram na iyon, a," naiiritang sabi ni Angelo sa akin habang nasa loob kami ng van.
Magtutungo kami ngayon ni Angelo sa company ng Leigh Holdings para maipakilala ako sa mga staffs at board members ng company na pag-aari ni Daniel. Hindi ko alam na mayaman talaga si Daniel at kung saan galing ang kayamanan nito ay hindi ko pa rin alam hanggang ngayon. Nahihiya akong itanong kay Daniel ang tungkol doon dahil personal na buhay na nito ang uusisain ko.
"Hayaan mo na sila ni Jewel, Angelo. Nangungulila ako sa anak ko. Tama si Jewel, wala na akong alam kay Rux. Ni hindi ko alam kung ano ang paborito niyang pagkain, ano ang paborito niyang kulay at kung kilala pa rin ba niya ako. Gustong-gusto ko siyang mayakap, Angelo pero hindi ko magawa dahil wala pa akong karapatan n
