Nagising ako kinaumagahan sa sahig. Hindi ko na namalayan na nakatulog ako habang umiiyak kagabi. Alas dos na rin ng madaling araw nang makatulog ako.
Dumiretso na ako sa banyo para maligo. Pagkatapos kong maligo ay binuksan ko ang tv para manuod ng balita habang inaayos ko ang damit na isusuot ko.
"Sa kapapasok lamang na balita, nag-crash ang private plane na ginamit ni Angelo Leigh patungo sa Cebu. Napag-alaman na bago pa man bumagsak at mag-crash ang eroplano ay umuusok na ang likurang bahagi nito. Sa ngayon ay hinahanap pa ang katawan ni Angelo Leigh, na isang kilalang business man at investor. Wala namang nakikitang foul play ang mga awtoridad at hindi sinadya ang nangyari. Sa ngayon ay wala pang balita sa asawa ni Angelo Leigh na si Penelope Gamboa Leigh, Linda Guzman, nag-uulat,"
