Napakunot ang noo ni Erin nang buksan ang ref sa unit ni Hunter.
Wala iyong laman maliban lang sa isang pitcher ng tubig at tatlong pirasong itlog sa gilid, pati nga ang freezer walang laman.
Nauna na siyang umuwi sa unit nito dahil mas naunang umalis si Hunter sa shoot nila. Hindi niya nga rin maintindihan pero itong mga nakaraang araw talaga ilang beses na hindi sila nagkakasabay na umuwi. Busy sila sa maghapon na shoot pero pagkatapos n'on ay nauunang aalis si Hunter, minsan babalik ito kapag nandoon pa siya sa set pero kadalasan nagkikita na lang sila dito sa condo.
Pag tinatanong naman niya ito lagi nitong sinasabi na kasama lang nito ang mga kaibigan.
Isinara niya ang ref at tumungo naman sa mga cabinet sa kusina pero hindi na din siya nagtaka ng maabutan na wala din laman ang m
