Apple Antoinette Maraño
Nakatitig ako sa tatlong pregnancy test kit sa harap ko. Lahat yon ay dalawang linya ang nakaguhit na nangangahulugang buntis nga ako. Sari-saring emosyon ang meron ako ngayon. Masaya ako dahil magkakaroon na ako ng supling. Malungkot din dahil alam kung walang kinikilalang ama ang magiging anak ko.
At the same time ay nangangamba ako kung paano ko bubuhayin ang bata gayong wala akong pagkukunan ng lahat lalo na sa pinansyal na aspeto. Napaluha na lang ako sa mga nangyayari. Wala na akong magawa kundi tanggapin ang maging kapalaran ko.
“Ton? Okay ka lang ba diyan? Kanina ka pa dyan sa loob. Nag-aalala ako,” boses ni Yanna ang nasa labas ng pinto ng banyo ko.
Maaga pa lang ay narito na ang isang ito upang malaman din ang resulta. Ayaw ko pa sanang gamitin
