Apple Antoinette Maraño
"Pabili po ng tinapay, “ sabi ng isang customer.
Agad ko itong inasikaso dahil nakita kong mahaba na naman ang nakapila para bibili. Ang lakas talaga ng bakery na ito Hindi nababawasan ng customer. Kaya naman ay araw-araw busy din. At ngayon ay mag-isa ako dito dahil wala si Geline. May inasikaso sa BIR.
Nangangalay na din ako sa kakatayo. Dahil sa maliban mag-isa ako ay malaki pa ang tiyan. Idagdag pang palaging naninipa ang anak ko sa loob. Napahawak ako sa tiyan ko ng maramdaman kong sumakit na naman.
“Okay ka lang, ate?” tanong ng isang customer.
“Oo. Sumakit lang saglit ang tiyan ko,” sagot ko habang hinimas-himas ang tiyan.
Kabuwanan ko na rin kasi kaya palagi na lang sumakit ang tiyan ko. Ang bilis lang ng mga araw. Parang kailan lang ay dalawang buw
